ಧರೆಗಿಳಿದ ಕಂದ

  ಧರೆಗಿಳಿದ ಕಂದ

  ಧರೆಗಿಳಿದು ಬಂದ ನನ್ನಯ ಕಂದ
  ಅಂದಾಯಿತು ಎನಗೆ ಮಹದಾನಂದ

  ವೈದ್ಯರಿತ್ತರು ಮಗನನು ಅಪ್ಪನ ಕೈಗೆ
  ಕಣ್ತುಂಬಿ ಬಂತಂದು ಸಂತಸ ಎನಗೆ

  ಬಟ್ಟಲು ಕಂಗಳಲಿ ನೋಡಿದ ಕಂದ
  ಮುದ್ದು ಮೊಗವು ನೋಡಲು ಚೆಂದ

  ಸಿಹಿ ಸುದ್ದಿಯನೆಲ್ಲೆಡೆ ಹಂಚಿದೆ ನಾನು
  ಮನೆಯವರ ಹರುಷಕೆ ಮಿತಿಯುನ್ಟೇನು

  ಜೀವನದ ದೃಷ್ಟಿಯೇ ಬದಲಾಯಿತೀಗ
  ಮುದ್ದು ಮಗನ ಆರೈಕೆಯೆ ಜೀವನವೀಗ

  ಕಂದನ ಮಡಿಲಲ್ಲೇ ಇರಿಸುವೆ ನಾನು
  ಮುದ್ದಿಸಿ ಆಡಿಸಿ ಮಲಗಿಸುವೆ ಅವನನ್ನು

  ನೀಡುವೆ ಉತ್ತಮವಾದ ಬದುಕಿನ ಪಾಠ
  ತೋರುವೆ ಸುಂದರ ಜೀವನದ ನೋಟ

  - ತೇಜಸ್ವಿ .ಎ.ಸಿ
    ಲಂಡನ್, ಯು.ಕೆ